Overblog Suivre ce blog
Editer la page Administration Créer mon blog
/ / /


PHILOMENE

Avant la djerre, y-avot, à Toufflé, in.n'fin.me qui s'app'lot Philomène. J'étos p'tite, mais je m'rappell' bin d'Philomène et d'chin qu'les gins i racontot'te d'sur elle.

Oh ! ch'étot in.n' bonn' fin.me : ell' n'arot nin fait d'mâ à in.n' mouqu'; mais i paraîtrot qu'ell' avot in gros défaut ! Infin... cha, ch'est les hommes qui l'dit'te, pasque Philomène étot in.n' fin.me; si ch'arot été in homm' cha n'arot nin été in défaut !... Bin ouais, ch'est vrai, les hommes, euss', i peut'te toudis tout faire, ch'est normal ! Mais les fin.mes i z'ont foqu' qu'à s'ténir trantchilles, ch'est bin connu !

N'croïez nin, mes gins, qu'j'in veux à les hommes, bin du contraire ! J'raconte foque ch'que tertous i dit. Surtout, ne l'répétez nin à m'n homme : i étrot maill' après mi; adan, l'cat i-étrot dins l'horloche.

Bref, Phimomène, pou satisfaire s'passion -o bin sin vice- ell' attindot que s'n homm' i-étot invo à s'n'ouvrache o bin parti faire sin p'tit tour. I-étot à pein' vudi de s'majon, qu'Philomène ell' trott' bin vite vers es' muchotte. Elle arvint bétô aveuc in.n' lonqu' pip' in terr' rouch' à long et fin tuïau et, bin seûr, aveucque s'blaqu' à toubac.

Eh bin, vous l'avez d'viné, mes gins, ch'étot cha l'défaut d'Philomène : ell' feumot l'pip'... comm' in homme !!! In.n' fin'me qui feume l'pip', veyons, cha s'fait nin ! Ch' t' in véritap' escandale !

Et v'là nou Philomène qui bourre s'pip' tout duch'mint pou faire durer lommint l'plaiji ! Ell' l'alleume... saque d'sus in faijant des "pff...pff...aveucque s'bouqu', comm'i font tous les feumeux d'pip' in l'alleumant.

Et ell' finqu', ell' finqu'... comm' in balot d'fabrique ! Ell' faijot bonn' chire à satchi su s'chuchotte et à faire des ronds d'feumée dins l'air. Ell' erwettot l'fintchée et ell' satchot su s'pipe d'bon tchoeur ! Ell' étot tell'mint bénêche que l'Ro i n'étot pos sin cousin et qu'elle n'din faijot des lachets d'contint'mint.

Ouais mais à forche d'fintchi, l'temps i passot ! Philomène erwette s'n horloche:

"Eh bé mon Di ! mon Di ! L'homm' i va bétôt rintrer ! Habile, habile, dépêchons-nous !"

Ch'est qu'i fallot fair' disparaîte l'feumée et l'sin- -timint ed' toubac ! N'vous in faites pos, mes gins, Philomène qui avot pus d'in tour d'in sin saclet ell' avot in truc ! Ell' bourrot sin fu aveuc tros-quat' pell'tées d'carbon : in moins d'deuss', l'platine d'létuff' ell' étot tout rouch' ! Phimomène randouillot dins l'fu à grands cops d'tijon.ni pou fair' gramint d'fintchée, et v'là, l'tour i-étot jeué !

Tchand que s'n homm' i rintrot, i n'y veyot qu'du fu, ch'est l'cas de l'dire. Sacrée Philomène, va !!!t


Anne-Marie DEROUSSEN

Partager cette page

Repost 0
Published by

AGiNDA

   
   

Saison 2014 - 2015 

  adhésions = 10 € / 1 an

Cha c'mminche toudis à 19 h 30...

  

 

Infos. : Roger DEPREZ 

Tél. : 03 20 03 40 96

 

 Vendredi 14 novembre 2014

Patrick COLLON le

"Baladin Chti !"

  Vendredi 20 mars 2015

Le CID par les

Patoisants Roubaisiens

Vendredi 17 avril 2015

Al Orti

   
   
   
   
   

 

L'z'intervenants

JW à s'majon 

Marie Rose GOUDENOVE : 03 20 23 12 39

Jean GATINEAU : 03 20 91 46 97

Nicole WYSTRAETE : 03 20 36 88 78

Agnes SCAMPS : 03 20 26 85 07

Georgette et Pierre DUCROCQ : 03 20 36 75 37

Francis CROAIN : 03 20 03 12 60

André CROAIN : 03 20 25 34 07

Colette CAUET : 03 20 01 35 84

Paul BLIECK : 03 20 27 18 07

Pascaline AGACHE : 03 20 86 98 41

Francine KRABANSKI : 03 20 02 11 65

Michel et Jacqueline CARLIER : 03 20 82 13 03

Maguy MARTIN : 03 20 02 29 41

Roberte DUCHATELET : 03 20 83 05 24

Marius WOESTELAND : 03 20 24 62 75

Maxandré LéZY : 03 61 92 12 92 

Roger DéPREZ : 03 20 03 40 96

 

 

 

Pou' Vou' Informer