Overblog Suivre ce blog
Editer la page Administration Créer mon blog
/ / /

NOEL

Ch'est Noël... Ch'est Noël !

Ch'est Noël pou tous les gins qui crottent qu'y a in Bon Di. Mais pou tous l'z'auts qui n'y crottent po, ch'est Noël aussi.
Ch'est que cha qu'mimche à faire lommint, (deux mille ans beteu euchteur) que ch'petit rogreux y'étot là, qu'y guerlottot dins I'fond d' sin bac.
L'zanches y v'nottent danser par-deseur s'tête, in jeuant de l'trompette, et l'afant y battot l'mesure inveuc ses p'tits dogts d'pid.
Bé, que s'ma mère ill' étot fire ! Ill' l'erwettot in li faijant des doux z'is ! Sin tcho, ch'étot l'pus beu du monte, vu qu'li, ch'étot l'pétit Jésus !
Eh bé, I'afant, a m'mote que te devros erqueminchi t'n'affaire, et au mitant de l'nut, comme cha, te devros tchère sus la terre ! Eh bé, qu'in s'rot cotints de t'claquer l'porte au nez ! In n'est po des racisses, mais ti, t'n'es po Francais !
Nos majons sont fin bin, mais y n'a rin d'trop pou nous z'autes !

- Ti ? Te pourros crêcher au fond d'in bindonville, au mitan des poubelles ! Et acor !... Aux dernières nouvelles, y sont pleins à cratchi, a m'mote ! Oh, tant pis, débroull'te !

Ah ! Te veux des fouffes ! Eh bé, pour cha, t'es bin tché ! Pou nous z'autes, cha n'est pus à la mote. In n' sait pus d'ù les mette ! Allez, tins, prinds-les, in s'ra débarrassés !

Quo qu'ch'est qu'te rinconte ?... « Humanité... Dignité ? » Ah tins, bin sûr ! Si te qu'minches à imployi des grands mots euchteur, in n'sait pus d'ù qu'in va !

Nous z'autes, in aime mi tchanter dins nou z'égliches : « Alléluia ! Alléluia ! »... Allez !... Allez !... luia !

Quo qu'ch est qu'te brais acor ?... Justice ?... Partache ?... Ouais, mais quo ?... T'n'es jomais contint, ti, alors ? Et tchi qu'ch'est qui va pyi l'z'impôts pou tout cha, hein ? Ch'est nous z'autes !

Nin, non, nin, non ! Allez, laiche-mi trintchille ! Fous-mi la paix ! Ouais, ch'est Noël, bin seûr... Mais, laiche mi l'oublii !

Ch'est Noël sus nou taffe ! Ch'est Noël dins nos z'assittes ! Noël dins nos boutelles ! Noël dins nos cadeaux ! Qu'in n'sait pus quo tcheusir... Qu'in n'sait pus d'ù les mette, mais ch'est Noël pou nou z'autes, quo !

Quo qu'ch'est qu'te radotes acor ? Quo qu'ch'est qu'te dis ?

« Noël dins in bol de riz ?...
Noël dins les rucheux ?...
Noël dins les drogués ?...
Noël dins les tortures ?...
Noël dins le cachots ?...
Noël ?... Noël ?... Noël ?... »

Ah ! si seul' mint ch'étot Noël dins nos zis ! Si vraimint, ch'étot Noël dins nos tcheurs ! Eh bé, qu'in s'rot contints, d'tchanter à tue-tête:
« Ch'est Noël, mes frères ! Tcheu bonheur ! »

Partager cette page

Repost 0
Published by

AGiNDA

   
   

Saison 2014 - 2015 

  adhésions = 10 € / 1 an

Cha c'mminche toudis à 19 h 30...

  

 

Infos. : Roger DEPREZ 

Tél. : 03 20 03 40 96

 

 Vendredi 14 novembre 2014

Patrick COLLON le

"Baladin Chti !"

  Vendredi 20 mars 2015

Le CID par les

Patoisants Roubaisiens

Vendredi 17 avril 2015

Al Orti

   
   
   
   
   

 

L'z'intervenants

JW à s'majon 

Marie Rose GOUDENOVE : 03 20 23 12 39

Jean GATINEAU : 03 20 91 46 97

Nicole WYSTRAETE : 03 20 36 88 78

Agnes SCAMPS : 03 20 26 85 07

Georgette et Pierre DUCROCQ : 03 20 36 75 37

Francis CROAIN : 03 20 03 12 60

André CROAIN : 03 20 25 34 07

Colette CAUET : 03 20 01 35 84

Paul BLIECK : 03 20 27 18 07

Pascaline AGACHE : 03 20 86 98 41

Francine KRABANSKI : 03 20 02 11 65

Michel et Jacqueline CARLIER : 03 20 82 13 03

Maguy MARTIN : 03 20 02 29 41

Roberte DUCHATELET : 03 20 83 05 24

Marius WOESTELAND : 03 20 24 62 75

Maxandré LéZY : 03 61 92 12 92 

Roger DéPREZ : 03 20 03 40 96

 

 

 

Pou' Vou' Informer