Overblog Suivre ce blog
Editer la page Administration Créer mon blog
/ / /

EST-CH' QUE J'Y PINSE ?

Tchand que j'sorte d'min lit l'matin,
O bin tchand que j'me cauffe au solé,
Ou tchand que j'trach' dins nou gardin
Comm' si j'cachos à m'involer...
Est-ch' que j'y pinse ?

Tchand qu'j'acoute l'vint in automne
Faire s'musiqu' dins les souvrones*;
Tchand que j'babell' , tchand que j'fredonne
In.n' tchanson d'Michaël Jackson,
Est-ch' que j'y pinse ?

Tchand que j'tinds les bras au ciel bleu,
Tchand que j'pitin.ne ou tchand que j'ris,
Tchand qu'j'arvett' nou tchin qui fait l'leu,
Tchand que j'fais l'lézard dins min lit...
Ou qu'j'acout' brur' les mouqu' à miel,
Dins l'coutti d'nou vigin Fidèle...
Est-ch' que j'y pinse ?

Tchand que j'rutell' comme in.n serpette
Ou tchand que j'brais comme in.n ' madjette,
O bin qu'in rache j'tap' du pid,
Tchand que j'pinch' min frèr' qui m'imbête
Ou que j'me much' pou rire d'li,
Ou tchand que j'beye aux aloettes,
A l'écol', pou indever l'maîte...
Est-ch' que j'y pinse ?

Tchand que j'zoulle m'pétit soeur Marthe
Qui piche in muchott' dins l'rucheau
Et, inveucque in.n rachin.n' d'halot,
Toull' dins l'bédoul' pou fair ' de l'tarte,
Dites, inter nous, in.n' fos ichi...
Est-ch' que j'y pinse qu'ch'est cha la vie ?
Et qu' cheull' vie-là, toute imbaumée,
Ch'est ti, m'pétit' manman chérie,
Un biau matin, qui m'la donnée ?

Adan, pou l'solé, pou l'ciel bleu,
Mes ross'ries,
Mes parties d'plaiji,
Pou nou tchin qui fait si bin l'leu,
Pou mes tchansons, pou l'maît' d'école,
Pou tout ch'qui tcheurt, qui trach', qui vole,
Pou min lit d'u que j'fais l'lézard,
Et m'pétit' soeur qui fait de l'tarte,

Nvolant pos in mett' pus qu'i n'faut,
Ni non pus fair' du rataplan,
J'vins t'dir' chés deux peufs pétits mots :
"Merci Maman"

*souvrones : soupentes


Jean-Théophile GATINEAU

Partager cette page

Repost 0
Published by

AGiNDA

   
   

Saison 2014 - 2015 

  adhésions = 10 € / 1 an

Cha c'mminche toudis à 19 h 30...

  

 

Infos. : Roger DEPREZ 

Tél. : 03 20 03 40 96

 

 Vendredi 14 novembre 2014

Patrick COLLON le

"Baladin Chti !"

  Vendredi 20 mars 2015

Le CID par les

Patoisants Roubaisiens

Vendredi 17 avril 2015

Al Orti

   
   
   
   
   

 

L'z'intervenants

JW à s'majon 

Marie Rose GOUDENOVE : 03 20 23 12 39

Jean GATINEAU : 03 20 91 46 97

Nicole WYSTRAETE : 03 20 36 88 78

Agnes SCAMPS : 03 20 26 85 07

Georgette et Pierre DUCROCQ : 03 20 36 75 37

Francis CROAIN : 03 20 03 12 60

André CROAIN : 03 20 25 34 07

Colette CAUET : 03 20 01 35 84

Paul BLIECK : 03 20 27 18 07

Pascaline AGACHE : 03 20 86 98 41

Francine KRABANSKI : 03 20 02 11 65

Michel et Jacqueline CARLIER : 03 20 82 13 03

Maguy MARTIN : 03 20 02 29 41

Roberte DUCHATELET : 03 20 83 05 24

Marius WOESTELAND : 03 20 24 62 75

Maxandré LéZY : 03 61 92 12 92 

Roger DéPREZ : 03 20 03 40 96

 

 

 

Pou' Vou' Informer